خلق ایلینده خالق یکتا خدیجه نی

خلق ایلمشدی گل کیمی زیبا خدیجه نی

خلق ایلینده خالق یکتا خدیجه نی

خلق ایلمشدی گل کیمی زیبا خدیجه نی

هر حیثیدن ایدوبدی برازنده خلقتا

پروردگار حی و توانا خدیجه نی

خوش طیب ، خوش سلیقه و خوشبخت و مالدار

مردم ملقب ایلدی کبرا خدیجه نی

اندازه سیز غلام و کنیز و خدم حشم

ایتمیشدی سرشناس و هویدا خدیجه نی

هشتاد مین یازولا شتر بارکش تمام

مشهور ایدوب تجارت و سودا خدیجه نی

بیر سبز خیمه سی واریدی ایپلری حریر

حاصل تانوردی عالی و ادنا خدیجه نی

بیوه دی قرخ یاشندا و لا کن قیافه سی

گوزده نشان ویروردی دل آرا خدیجه نی

چوخلار اونون تمایل اولوب ازدواجنه

حتی رجال ایتدی تمنا خدیجه نی

از بس واریدی ثروت دنیاسی بیکران

پول و ریاست ایتمدی اغوا خدیجه نی

هر خواستگاره لا بویوروب ، رغبت ایتمدی

خود رای بیلدی اهل تقاضا خدیجه نی

پیغمبرین واریدی هله ئیرمی بش یاشی

ایتدی تجارت ایتماقا پیدا خدیجه نی

توضیحی چوخدی چونکی مفصلدی داستان

تعریف ادنمورم و لهذا خدیجه نی

دلدن و لیک عشق یتوردی پیمبره

عشق و علاقه ایلدی شیدا خدیجه نی

پیغمبر اولدی یوسفه تشبیه فی المثل

فرض ایلسم بجادی زلیخا خدیجه نی

بیر گون چاغوردی پرده سین آچسون بو مطلبین

کشف اتمیوبدی اسمله اما خدیجه نی

سویلوب که بیر نجیبه حرم تاپمیشام سنه

ائتسن مخیر آلماقا مولا خدیجه نی

شرم و حیا یولیله اشاقه سالوب باشین

چکدی سوال و پرسشه طاها خدیجه نی

آلدی خبر خانم کیم اولا سیز بویوردوقوز

وادار ائدوب تبسمه در جا خدیجه نی

عرض ایلدی گوله گوله من گورموشم اونی

باخسا گورن گوزون گوره جاق تا خدیجه نی

هیچ عیبی یوخدی سیدی ، اولسا بیر عیبی وار

بیر آزجا سندیروبدی او معنا خدیجه نی

بیر نچه ایل تفاوت سنی سنیله وار

سوءسن برابرونده دی حالا خدیجه نی

الله اکبر ایشلره باخ گور هایاندادی

نیلور ندور خدای تعالی خدیجه نی

تصمیم باغلیوبدی مشیت معاینه

ویرسین قرار مادر زهرا خدیجه نی

باش دوتدی ایش خلاصه اولوب عقد ازدواج

تزویج قیلدی سرور بطحا خدیجه نی

دوران دولاندی گون گیچوب آی گیچدی ایل گچوب

زهرایه بویلی گوردی بو دنیا خدیجه نی

قهر ایلدی بیر عده غرض ورز بانوان

اوز منزلینده قویدولا تنها خدیجه نی

بطننده کن آناسینا مانوس اولوب بتول

قویمازدی غصه چکماقا اصلا خدیجه نی

هنگام زایمانیده اما یازور صدوق

دوتموشدی اضطراب و مهابا خدیجه نی

ناگاه دوت خانم هاموسی هاشمی لباس

تشریف گتدی قویمیا تا تک خدیجه نی

کلثوم و آسیه ، بیری مریم او حین ده

تک قویمیانلارین بیری سارا خدیجه نی

اگلشدی دوردی دورت طرفینده مخدرات

رافتله دیندیریردیله گویا خدیجه نی

نور بتول ناگه اولوب گوزده جلوه گر

ایتدی احاطه نور و تجلا خدیجه نی

پاکیزه و مطهره ، میمونه ، مشگ بو

بیر قیز که شاد قیلدی سراپا خدیجه نی

فورا گییندیروبله ویروبلر قوجاقنه

ایتدی جمالی غرق تماشا خدیجه نی

دقتله باخدی گوردی کی خیردا خدیجه دور

بیلمور دی کی بالانی گورور یا خدیجه نی

گوی سمتینه دولاندیروب یوز عرض ایدوب خدا

چوخ شکر تاپدی نعمت عظما خدیجه نی

روحیمدی بو ، اگر بونی مرد و زن اینجیده

البته اینجیدوبدی خدایا خدیجه نی

افسوس یاندیروب قاپوسین قوم مشرکین

ایتدی دچار زحمت و ایذا خدیجه نی